4000 rupee

திமுக அரிசி ரேசன் அட்டைக்கு 4000 ரூபாய் எப்போது வழங்கும் என்பதை அறிவித்துள்ளது

  • அனைத்து அரிசி ரேஷன் அட்டை தாரர்களுக்கும் 4000 ரூபாய் வழங்கப்படும் என்பது திமுக தேர்தல் அறிக்கையில் ஒன்றாகும்.
  • தற்போது அரிசி ரேசன் அட்டைதாரர்களுக்கு 4000 ரூபாய் எப்போது வழங்கப்படும் என்பதை பற்றி திமுக தலைவர் மு.க.ஸ்டாலின் நேற்று தேர்தல் பிரச்சாரத்தில் பேசியுள்ளார்.
  • தமிழகத்தில் தேர்தல் களம் சூடுபிடித்துள்ள நிலையில் கட்சியின் தேர்தல் அறிக்கைகளிலும் மக்கள் கவனம் செலுத்தி வருகிறார்கள். குறிப்பாக திமுகவின் தேர்தல் அறிக்கை மக்களுக்கிடையே மிகுந்த வரவேற்பைப் பெற்று உள்ளது.
  • நீட் தேர்வு ரத்து, சிலிண்டருக்கு 100 ரூபாய் மானியம், பெட்ரோல், டீசல் விலை குறைப்பு, கூட்டுறவு நகைக் கடன் தள்ளுபடி, விவசாயக் கடன் தள்ளுபடி என பல திட்டங்கள் திமுக தேர்தல் அறிக்கையில் இடம்பெற்று இருக்கிறது.
  • கடந்த ஆண்டு தமிழக அரசிடம் குடும்ப அட்டைதாரர்களுக்கு கொரோனா நிவாரண நிதியாக 5000 ரூபாய் வழங்க வேண்டும் என்று திமுக தலைவர் மு.க.ஸ்டாலின் கோரிக்கை வைத்தார். ஆனால் தமிழக அரசு கொரோனா நிவாரண நிதி 1000 ரூபாய் மட்டும் வழங்கியது.
  • இந்நிலையில் திமுக ஆட்சி அமைந்ததும் மீதமுள்ள 4000 ரூபாயை கொரோனா நிவாரண நிதியாக அனைத்து அரிசி ரேஷன் அட்டை தாரர்களுக்கும் வழங்கப்படும் என தேர்தல் அறிக்கையில் குறிப்பிட்டு உள்ளார்கள்.
  • திமுக மற்றும் அதன் கூட்டணி கட்சி வேட்பாளர்களை ஆதரித்து நேற்று கோவையில் திமுக தலைவர் மு.க.ஸ்டாலின் பிரச்சாரம் செய்தார். அப்போது ரேஷன் அட்டை தாரர்களுக்கு 4000 ரூபாய் எப்போது வழங்கப்படும் என்பதை பற்றி பேசினார்.
  • வரும் மே மாதம் 2 ஆம் தேதி தேர்தல் முடிவு வெளியாக உள்ளது. ஜுன் 3ஆம் தேதி கலைஞர் பிறந்தநாளை முன்னிட்டு அனைத்து ரேசன் அரிசி அட்டை தாரர்களுக்கும் 4000 ரூபாய் வழங்கப்படும் என ஸ்டாலின் தெரிவித்து உள்ளார்.

 

See also  உலக நாடுகள் ஒன்றிணைய வேண்டும்!