ரேஷன் அட்டைகளில் திருத்தங்களை செய்வதற்கும், ரேஷன் அட்டைகளை தொலைத்தவர்களும் குறைவான கட்டணத்தில் எளிய வழிமுறைகள் அறிமுகம் செய்யப்பட்டுள்ளது.
இந்த எளிய வழிமுறைகளில் 20 ரூபாய் கட்டணத்தில் புதிய ரேஷன் கார்டுகளை பெற்றுக்கொள்ளலாம் என அறிவுறுத்தப்பட்டு உள்ளது.
தற்போது ரேஷன் கார்டு வைத்திருப்பவர்களுக்கு தமிழக அரசு பல சலுகைகளை அறிவித்து வருகிறது. ஏற்கெனவே பொங்கல் போன்ற பண்டிகை நாட்களில் ரேஷன் அட்டைதாரர்களுக்கு இலவசமாக பொங்கல் பரிசுகளையும் வழங்கி வருகிறது.
மேலும் ரேஷன் அட்டைகளை தொலைத்தவர்கள், ரேஷன் அட்டையில் இணைத்துள்ள கைப்பேசி எண்ணை வைத்து பொங்கல் பரிசுகளை வாங்கிக்கொள்ளலாம் என தமிழக அரசு கூறியிருந்தது.
அதேபோல் ரேஷன் அட்டைகளை தொலைத்தவர்கள் புதிய ரேஷன் அட்டைகள் பெறுவதற்கு பல குழப்பங்களில் இருந்து வருகிறார்கள்.
மேலும் புதிய ரேஷன் அட்டை வாங்குவதற்கு அதிக அளவில் பணத்தை செலவு செய்து ஏமாறியதாகவும் புகார்கள் எழுந்து வந்தது.
இவை அனைத்திற்கும் தீர்வு காணும் வகையில் 20 ரூபாய் செலவில் புதிய ரேஷன் அட்டைகளை வாங்கி கொள்ளலாம் என்ற வசதி தற்போது அறிமுகமாகி உள்ளது.
அதன்படி புதிய ரேஷன் அட்டைகளை வாங்க விரும்புபவர்கள், மேலும் ரேஷன் அட்டைகளில் ஏதாவது திருத்தம் செய்ய விரும்புபவர்கள் www.tnpds.gov.in என்ற இணையதள முகவரி மூலம் விண்ணப்பிக்கலாம்.
ரேஷன் கார்டுடன் இணைக்கப்பட்ட கைபேசி எண்ணை இந்த இணையதள முகவரியில் பதிவு செய்ய வேண்டும். பிறகு அந்த போனிற்கு வரும் ஓடிபி எண்ணை வைத்து புதிய ரேஷன் அட்டைக்கு பதிவு செய்து கொள்ளலாம்.
இந்த இணைய தளத்தில் தேவையான தகவல்களை பதிவு செய்ய வேண்டும். பிறகு 20 ரூபாய் கட்டணம் செலுத்துவதன் மூலம் புதிய ரேஷன் கார்டு பெற்றுக்கொள்ளலாம்.
gpkumar: இவர் பிரவீன் குமார் கணேசன் (Praveen Kumar Ganesan) என்பவராவார். இவர் Inavit Studio மற்றும் Bestpriceinindia.com ஆகிய இணையதளங்களின் நிறுவனரும், தொழில்நுட்ப ஆய்வாளருமாவார். இவர் தனது GPKUMAR என்ற பெயரால் அறியப்படுகிறார். இவர் தொழில்நுட்ப பகுப்பாய்வு மற்றும் டிஜிட்டல் உள்ளடக்க உருவாக்கத்தில் ஈடுபட்டுள்ளார். நிஜ உலக செயல்திறன் அடிப்படையில் ஸ்மார்ட்போன்கள், இயர்பட்கள் போன்ற கேஜெட்களை மதிப்பீடு செய்வதில் இவர் கவனம் செலுத்துகிறார்