- இன்று தங்கம் விலை மீ்ண்டும் உயர்ந்துள்ளது. ஆபரணத் தங்கம் ஒரு பவுன் மீண்டும் 34 ஆயிரத்தை தாண்டியுள்ளது.
- தற்போது உலகம் முழுவதுமே முதலீட்டாளர்கள் பாதுகாப்பான முதலீடுகளின் பக்கம் திரும்புகிறார்கள் . பங்குச்சந்தை, ரியல் எஸ்டேட், அமெரிக்க டாலர்கள் ஆகியவற்றில் முதலீடு செய்திருந்த முதலீட்டாளர்கள் அனைவரும் தற்போது தங்கத்தில் முதலீடு செய்யத் தொடங்கி உள்ளார்கள்.
- இதனால் தங்கத்தின் தேவை அதிகரித்து, அதன் விலையும் உயர்ந்து வருகிறது. தற்போது கொரோனா வைரஸ் பாதிப்பால் தொழில்துறை தேக்கம் பற்றி பீதி நிலவி வருகிறது.
- இந்நிலையில் தங்கத்தின் விலை சற்று ஏற்ற இறக்கதத்துடன் காணப்படுகிறது.
- ஏற்கனவே 2021-22ஆம் ஆண்டிற்கான பட்ஜெட்டில் தங்கம், வெள்ளிப் பொருட்களின் மீதான வரி குறைக்கப்பட்டு இருந்தது.
- இதனால் கடந்த சில வாரங்களாகத் ஆபரணத் தங்கத்தின் விலை தொடர்ந்து சரிந்து வந்தது. இந்தநிலையில் தங்கத்தின் விலை இன்று அதிகரித்துள்ளது .
- இன்று ஒரு கிராம் ஆபரணத் தங்கத்தின் விலை ரூ.21 உயர்ந்து ரூ.4258-க்கு விற்பனை செய்யப்படுகிறது . மேலும் 8 கிராம் தங்கத்தின் விலை ரூ.168 உயர்ந்து ரூ.34,064-க்கு விற்பனை செய்யப்படுகிறது .
- இதேபோல் இன்று 24 காரட் தங்கத்தின் விலை 8 கிராம் ரூ.37,192-க்கு விற்பனை செய்யப்படுகிறது.
- 1 கிராம் வெள்ளி 90 காசுகள் உயர்ந்து ரூ.72.50க்கு விற்பனையாகிறது. அதேபோல இன்று 1 கிலோ வெள்ளியின் விலை ரூ.72,500 ஆக இருக்கிறது.
